Samsung acaba de presentar en Corea un novo portátil, o Samsung Serie 6. Trátase dun equipo con pantalla de 14.5 polgadas que reune un ramallete notable de prestacións baixo unha característica común, a resistencia. A carcasa da Serie 6 está confeccionada nunha aliaxe de magnesio que, segundo a coreana, é cinco veces máis resistente a golpes e peso que a dun portátil convencional.
Se facemos caso do que asegura Samsung, a Serie 6 aguanta até unha tonelada de peso e cumpre co estándar de grao militar MIL-STD-810G 516.6, utilizado polo Pentágono en Estados Unidos para determinar a dureza dos equipos destinados ás tropas.
No interior, o Samsung Serie 6 irá equipado con procesadores Intel Core i7, gráficas Nvidia e varias configuracións dispoñibles de memoria RAM e almacenamento, entre elas a posibilidade de equipar o portátil con almacenamento SSD. As conexións tamén contarán con WiFi N, USB 3.0 e módulo 3G opcional. De momento non se fixeron públicos prezos ou datas de lanzamento.
Vía | Akihabara News